Pequenos Picassos!

No Club Infantil quixemos imitar a un gran pintor, Pablo Picasso, e que mellor forma de facelo que a través da súa obra o "Guernica". Démoslle unha volta e pintámolo con cores vivas omo alegatto a que nunca máis sucedan guerras e traxedias coma a pintada por Picasso.

Este foi o proceso de elaboración e o resultado final:

 

Eu teño unha banda...

Os instrumentos son xeñais, e máis se podemos experimentar con eles. Directos da ludoteca viñeron en préstamo ao Club Infantil diferentes instrumentos de percusión: claves, castañuelas, pandeireta...

Pero ademais de pasalo pipa experimentando con eles, tamén fixemos algunha que outra creación para que quedara no Club: unha guitarra e un tambor! Quedaron xenial e agora témolos á nosa disposición para desfrutalos.

A casa da mosca Chosca

Quen vive nese lugar? A quen veño visitar?

A mosca Chosca!!!

A casa da mosca Chosca é unha simpática e divertida adaptación dun conto ruso da man da editorial Kalandraka. Encantóulle aos nosos pequenos! 

Deixámovos algunhas fotos de actividades relacionadas co conto.

Recicla, recupera, reutiliza...

Os nenos e nenas do Club Infantil teñen moi clariño como poden axudar a reciclar na casa. Demostráronno na realización do estupendo mural que a continuación vos amosamos:

Ademais aproveitamos para falar da reutilización e foi por iso que empregams diferentes materiais comúns en todas as casas para convertilos en novas cousas:

Toma castaña!

Magostos por aquí e por alá, 

castañas e máis castañas... 

Non quedaba outro remedio que facer cousiñas coas nosas queridas castañas!

Samaín-Halloween

Xa chegou o Samaín, xa pasou o Halloween!!

E no Club Infantil celebrámolo con cabazas, fantasmas, meigas e demais personaxes terroríficas... hahahaha!!

O segredo de Flora

Un, dous, tres... o enfado polas mans!

Un, dous, tres... o enfado polo pés!

Un, dous, tres... o enfado xa se vai!

Un, dous, tres... o enfado xa botei!!

Flora amosounos o seu máis preciado segredo, un segredo moi útil para non enfadarnos con compañeiros, para non berrar, para non pegar... Que gran descubrimento este bonito conto!!

Outono chuvioso, ano copioso.

Para canto dan de si as follas no outono!! E ademais aprendimos algunha que otra poesía relacionada co outono. Aquí vai a mostra delo: